صباح الخير يا آل غرام
اجدد اللقاء معكم بهذه المتواضعه التي ارجوا ان ترقى لذائقتكم
من حدود القلب لاخر منتهاي
لين اوصل فيك لطلوع المحال
كلها ذاتي الغريقه في ظماي
نور شمسي غايب بارض الظلال
للهوى ميراد من نبعه وفاي
وفي عيون الحب للنظره سجال
بعالم العشاق ما باقي سواي
عاشقٍ مغرم الى حد الهبال
كم بكيتك لين اظلم بي عمااي
وكم رجيتك وكم سهرتك من ليال
كم عطيتك حب وانكرتي عطاي
وكل ما فيني يصوت لك تعال
************************************************** ********
لا ضّيق الوقت حال وما قوى صبره
يناظر الآل يشكي وباح مكنونه
ما بين روح كواها الوجد والعبره
وشعاع فكر يطيش وصدق ظنونه
شاف الامل في السراب وصدق النظره
وحس الفرح لج لين اقصاه بمجونه
واقف يراعيه يكتب للهوى سطره
من عذب روحه كتب يشرح لمفتونه
وغابت الشمس تبدي ظلمة الحسرة
ويرجع كسير النظر بالدمع لعيونه
ولليل قصة مع اهل العشق والسمره
شمعه ودفتر مع الاقلام وسكونه
وهاجوس يسري بارض بالهوى قفره
ترجف بها الروح لا حرك بها شجونه
باحساس مجروح صابه بالهوى كسره
يحكي سوالف جريح مات بطعونه
هذي حياة الهوى صبر على جمره
واما صبر ضاع عقله وهام بجنونه
************************************************** *********
اجيك شاعر لاجلك اكتب ابياتي عذب القوافي تفيض احساس في روحك
واغازل الحس بين سطور همساتي واوصف محاسنك حتى ينفضح بوحك
اجيك فارس قوافي وبين جولاتي احلا القصايد تجي عطر على فوحك
الخميس أغسطس 18, 2011 10:16 pm
