بسم الله الرحمن الرحيم
كيف الحال يا جماعه..
إن شاء الله تكونو بخي وصحه وعافيه
اليوم جايب لكم جهاز فرييد من نوعه :
إتمنى إنه يعجبكم :
Asus U30JC
U-Series
وهي فئة فيها إللي يميزها عن غيرها من أجهزة المحمول خفة وزنها وشكلها وصغر حجم شاشتها وهذا إللي تشوفوه في التقرير :.
خلونا نشوق المواصفات :
* المعالج & Processor /
طبعاً المعالج من فئة
Intel
Core
i3 .. 370M
وسرعته
2.40 Ghz
.معلومه. وهذا يعتبر أعلى سرعة متوفرهـ دحينا من فئة هدا المعالج .
ــــــــــــــــــــــــــ
* الرام أو الذاكرهـ العشوائية & Ram /
3 Giga.
ونقدر نوصله لــ 8 giga لأنه المذربورد و الويندوز يقبلو زيادة الرام .
.معلومه مهمه وهي :
تشطيب وتنزيل ويندوز 7 يبغاله بس 1 giga وهنا الرام يعتبر 3 أضعاف إللي يبغاه .
ــــــــــــــــــــــــــ
* المساحه التخزينيه (القرص الصلب أو الهاردسكـ - Hard Disk) :
320 Giga
ونقدر نوصلها لـ1 Tira
ــــــــــــــــــــــــــ
* كرت الشاشة & Video Graphics /
من شركة NVIDIA
GeForce
310M
512 MB
وفيها خاصية NVIDIA Optimus Technology وهي حصريه إلى الان لشركة ASUS
.معلومه : هذهـ الخاصية تخلي كرت الشاشه تشتغل لمن تحتاجها (يعني لمن تشغل برامج تتطلب دعم للجرافيكس)
ولمن تقفل البرنامج إللي تبغاه يفصل لوحده أوتوماتيكي ..والشيء دا يوفر طاقة البطاريه
ـــــــــــــــــــــــــ
لتوضيح أكثر حول المواصفات رابط من الشركة للجهاز :
WWW.ASUS.COM
بعد الاستعراض لمواصفات هذا الجهاز الرائع .
ليش هدا الجهاز..؟
لأنه له مميزات :
1) ضمان دولي رائع لمدة عام على الجهاز ويشمل الضمان .. البطارية لمدة 6 أشهر والشاحن لمدة 6 أشهر ايضاً .
2) الغلاف الخارجي للجهاز مصنوع من الألمونيوم يعني فريد وقوي عند الصدمات (يعني جرندينزر لووول) .
3) بطارية توصل لـ 6 ساعات عمل و 9 ساعات ونصف وضع استعداد : ) .
4) وزن جداً رائع بيفيد أصحاب السفر والرحلات لأنه ما يتجاوز الـ 2 كيلو .
5) الكي بورد المتوفر بهذا الجهاز Chiclet keyboard أو إللي يسموه بالكي بورد الشكولاته .
6) توفر الشنطه والفأرهـ من نفس الشركة المصنعة .
7) يتوفر بثلاثة ألوان ( الأسود – البني – الرصاصي ).
رغم كل مايميز هذا الجهاز وروعة تصنيعه وجب ذكر سعرهـ بأنه بـ 933 دولار (أي ما يقارب الـ 3500 ريال سعودي) .
وفي الختام ما بقي إلا الشكر على القراءهـ
ليكم كل الود على المتابعة..
الثلاثاء نوفمبر 30, 2010 1:14 am
